20 აპრილი, 17:00 საათზე, ბათუმის ცენტრალური პარკის კოლონადებთან ქალების მარში გაიმართება. ორგანიზატორების თქმით, ქალები გამოდიან და კიდევ ერთხელ მოუწოდებენ პარლამენტს, გაიწვიონ რუსული კანონი.
“ჩვენი ხმა არის ყველა ქალის ხმა: ემიგრანტი და მარტოხელა დედების, საქართველოს სხვადასხვა რეგიონში მცხოვრები რელიგიური და ეთნიკური უმცირესობის ქალების, შშმ ბავშვების დედების და თავად შშმ ქალების, ხანდაზმულების, ახალგაზრდების, ძალადობაგამოვლილი, დევნილი, კონფლიქტის ზონაში მცხოვრები და ყველა იმ ქალის ხმა, ვისაც ჩვენი ქვეყნის ისტორიის ყველა ეტაპზე მნიშვნელოვანი ეროვნული მისია შეუსრულებია,” – წერია ორგანიზატორების მიერ გავრცელებულ ინფორმაციაში.
