„დინამო ბათუმმა“ წარმატებით დაიწყო ასპარეზობა დავით ყიფიანის სახელობის საქართველოს თასზე. „თოლიები“ 1/16-ფინალში „ორბს“ დაუპირისპირდნენ და მატჩი ანგარიშით 4:1 მოიგეს.
„ბათუმელთა“ მხრიდან შეხვედრის საწყის წუთებზე ორი თერთმეტმეტრიანი ზუსტად შეასრულა ბრაზილიელმა პაულო ვიტორმა (მე-8 და 28-ე წუთებზე).
50-ე წუთზე გოლი გაიტანა უერდი მარამ, ხოლო ფინალური, მეოთხე ბურთი მეტოქის კარში 86-ე წუთზე დმიტრი მანდრიჩენკომ გაიტანა.
„ორბის“ მხრიდან ერთადერთი გოლი მატჩის 54-ე წუთზე აღდგომელაშვილმა გაიტანა.
„ორბთან“ მოპოვებული გამარჯვებით „დინამო ბათუმი“ საქართველოს თასის გათამაშების შემდეგ ეტაპზე გადავიდა, თუმცა ჯერჯერობით უცნობია, ვის დაუპირისპირდებიან „თოლიები“ 1/8-ფინალში.
ავტორი: დიმიტრი გორგილაძე
