ბრიტანეთის საელჩო საქართველოში აცხადებს, რომ იძულებულია გააუქმოს რიგი საგრანტო ინიციატივები, რომლებიც მიზნად ისახავდა სამოქალაქო საზოგადოების გაძლიერებას, ამომრჩეველთა განათლებასა და მუნიციპალური არჩევნების მონიტორინგის მხარდაჭერას.
გადაწყვეტილება “ქღთული ოცნების” მთავრობის მხრიდან გრანტების დამტკიცების პროცედურებთან დაკავშირებული გაურკვევლობის ფონზე მიიღეს.
როგორც საელჩოს განცხადებაშია აღნიშნული, მიუხედავად იმისა, რომ აღნიშნული პროექტები ცენტრალურმა საარჩევნო კომისიამ ღირებულ და საჭირო საქმიანობად მიიჩნია, “ოცნების” ხელისუფლებამ აცნობა, რომ მთავრობის დადგენილება „გრანტების დამტკიცების პროცედურის შესახებ“ ამ დრომდე არ არის დასრულებული. შესაბამისად, არ არსებობს შესაბამისი მექანიზმები და ვადები, რაც დამატებით ბარიერს ქმნის საერთაშორისო მხარდაჭერის მისაღებად.
„სამწუხაროდ, ამ გაურკვევლობის გამო გვიწევს დავხუროთ პროექტები, რომლებიც მოწოდებული იყო ოქტომბრის მუნიციპალური არჩევნების გამჭვირვალობისა და კონკურენტუნარიანობის გასაძლიერებლად,“ — ნათქვამია განცხადებაში.
საელჩო ასევე წუხს იმ ფაქტზე, რომ unlike previous elections, the Georgian government has yet to invite the OSCE/ODIHR election observation mission. ასევე არ ხდება მხარდამჭერი პირობების შექმნა ადგილობრივი დამკვირვებლებისთვის, რაც, მათი შეფასებით, დემოკრატიული პროცესის უკუსვლის რისკს ქმნის.
„პროფესიონალურად მომზადებული დამკვირვებლების არყოფნა, რომლებიც საერთაშორისო სტანდარტების შესაბამისად მუშაობენ, შესაძლოა შეამციროს საზოგადოების ნდობა საარჩევნო პროცესის გამჭვირვალობის მიმართ,“ — აცხადებენ ბრიტანეთის საელჩოში.
საელჩო კვლავ ადასტურებს მზადყოფნას, ხელი შეუწყოს საქართველოში დემოკრატიის გაძლიერებას და აღნიშნავს, რომ წუხს იმ შესაძლებლობის დაკარგვის გამო, რომელიც მნიშვნელოვანი იქნებოდა არჩევნების ობიექტურად და პროფესიონალურად მონიტორინგისთვის.
