შინაგან საქმეთა სამინისტროს ინფორმაციით, შესაბამის დანაყოფებთან კოორდინაციით ჩატარებული ღონისძიებების შედეგად, ბოლო დღეების განმავლობაში საქართველოდან უცხო ქვეყნის 96 მოქალაქე გააძევეს.
უწყების ცნობით, მიგრაციის დეპარტამენტის მიერ განხორციელებული კომპლექსური ღონისძიებების შედეგად, ქვეყნიდან გაძევებულნი არიან საუდის არაბეთის, აზერბაიჯანის, თურქმენეთის, თურქეთის, ჩინეთის, რუსეთის, ინდოეთის, ეგვიპტის, სუდანის, ერაყის, ქუვეითის, ნიგერიის, ბელარუსის, კუბის, კოტ-დ’ივუარის, მადაგასკარის, ალბანეთის, უზბეკეთის, ლიბანის, მაროკოს, იორდანიის, ტაილანდის და სხვა ქვეყნების მოქალაქეები.
შსს-ს ინფორმაციით, გაძევებულ პირებს საქართველოს კანონმდებლობის შესაბამისად ქვეყანაში შემოსვლის აკრძალვა დაუწესდათ.
