აჭარის არაკონსტიტუციური უმაღლესი საბჭოს პლენარულ სხდომაზე, სადაც მთავრობის არალეგიტიმური თავმჯდომარე სულხან თამაზაშვილს ირჩევნდნენ, მედიის წარმომადგენლები არ დაუშვეს. სხდომის დახურვა სავარაუდოდ, საბჭოს არალეგიტიმური თავმჯდომარის, დავით გაბაიძის, გადაწყვეტილებით მოხდა, რომელსაც დემოკრატიულ ლიდერად პოზიციონირების ამბიცია აქვს.
ეს პირველი შემთხვევაა, როდესაც საკანონმდებლო ორგანოში ჟურნალისტები არ შეუშვეს. მედიაში მომუშავე პირების თქმით, მსგავსი გადაწყვეტილება მათ არ ახსოვთ. მათივე შეფასებით, აღნიშნული ნაბიჯი არა მხოლოდ დაუსაბუთებელია, არამედ კანონის დარღვევასაც წარმოადგენს.
გარდა ამისა, სხდომა პირდაპირ ეთერში არ გადაიცემოდა, რაც კიდევ უფრო აძლიერებს კითხვებს და ეჭვებს მისი გამჭვირვალობისა და ლეგიტიმურობის შესახებ.
