AJARATIMES.GE-ის ინფორმაციით, ამ წუთებში ბათუმის რეფერალურ საავადმყოფოში დაპირისპირებაა. ორი დღის წინ მოკლული ქალის ახლობლები, ანგარიშსწორების მიზნით, მკვლელობაში ბრალდებულის პალატაში შეჭრას ცდილობენ.
შემთხვევის ადგილზეა საპატრულო პოლიცია. სამართალდამცავები რეანიმაციულ განყოფილებასთან არიან.
მასალა განახლდა: ამ დროისთვის (20:10 სააათზე) კლინიკის ტერიტორიაზე სიმშვიდეა. პოლიციამ კლინიკაში შეჭრის მცდელობა აღკვეთა. მოკლულის ოჯახის წევრებმა და ახლობლებმა სამედიცინო დაწესებულება დატოვეს.
ინფორმაციისთვის: ფემიციდის შემთხვევა შუახევის მუნიციპალიტეტში მოხდა. გამოძიების ცნობით, ქალი ქმარმა მოკლა, რის შემდეგაც მან თვითდაზიანება მიიყენა.
