ბათუმში, ფრიდონ ხალვაშის ქუჩაზე მცხოვრებლები დახმარებას ითხოვენ. მათი თქმით, ადგილობრივებს ხშირ შემთხვევაში სასმელი წყალი არ მიეწოდება.
ფრ. ხალვაშის 188-ში მცხოვრებლები “აჭარა თაიმსს” უყვებიან, რომ წყლის გარეშე დასახლება ზოგჯერ ნახევარი თვეც არიან, შედეგად მათ ჰიგიენის დაცვა უჭირთ.
“ცხელ ხაზზე დარეკავ და პასუხს ვერ გაიგებ. შეიძლება სულ უწყლოდ იყოს ოჯახი? გავწვალდით, ქალაქიდან ვეზიდებით წყალს,”- ამბობს ერთ-ერთი ადგილობრივი ჩვენთან საუბრისას.
კომპანია ბათუმის წყალში განმატტავენ, რომ აღნიშნულ მისამართებზე, აბონენტებს წყალი ძველი ქსელით მიეწოდებათ, რაც მათი თქმით, შეფერხების მიზეზია.
“ძველ ქსელზე დაზიანებების აღმოფხვრის მიზნით, მიმდინარეობს სარეაბილიტაციო სამუშაოები, რის გამოც პერიოდულად იზღუდება წყალმომარაგება,” – გვითხრეს კომპანიაში.
