თურქ მძღოლებს, რომლებიც საქართველოს გავლით ტვირთს ეზიდებიან ბათუმსა და სხვადასხვა ქალაქში უსაფუძვლოდ, მეტწილად კი იძულებით აყოვნებენ, ამის შესახებ მეზობელი ქვეყნის მედიასაშუალებები წერენ. ჟურნალისტებს მძღოლები უყვებიან, რომ საქართველოს ტერიტორიაზე უმეტეს შემთხვევაში 90 დღემდე აჩერებენ.
მძღოლები დახმარების მიზნით საქართველოსა და თურქეთის ხელისუფლებებს მიმართავენ. მათი თქმით, სადგომებზე იძულებითი გაჩერების გამო, მათ დაუდგენელი პირები ასევე, ავტომობილებს უზიანებენ.
“ამ ვითარებამ მძიმე მდგომარეობაში ჩაგვაგდო, როგორც ფინანსურად, ასევე მორალურად,” – აცხადებენ მძღოლები.
მძღოლები თურქულ მედიებთან ყვებიან, რომ მათ პოლიციელები დოკუმენტაციას ახსნა-განმარტების გარეშე ართმევენ და სადგომებზე გაჩერებას აიძულებენ.
„ვწევართ სატვირთოში, სახლში ვერ მივდივართ, პასპორტები ჩამორთმეული გვაქვს, ავად ვართ, ფსიქოლოგია გაგვიფუჭდა. ჩვენ ველით დახმარებას სახელმწიფოების წარმომადგენლებისგან,” – აცხადებს ერთ-ერთი მძღოლი თურქულ მედიასთან.
მძღოლები იმასაც აღნიშნავენ, რომ დაყოვნების შედეგად მათი პროდუქცია ფუჭდება, რის გამოც ზარალდებიან.
