„კალათბურთის კლუბმა ბათუმმა“ საკალათბურთო სუპერლიგის მეცხრე ტურის დაძაბულ შეხვედრაში „თსუ“ 77:74 დაამარცხა.
„ბათუმმა“ მეტოქეს პირველი და მეორე მეოთხედები მოუგო — 22:16 და 17:16. მესამე მეოთხედი 18:22 დათმო, ხოლო ფინალური მეოთხედი ფრედ, 20:20 დასრულდა.
ბათუმის შემადგენლობაში კვლავ გამოირჩა ლეგიონერი მაირინ ტომასი, რომლის ანგარიშზე 16 ქულა და 10 შედეგიანი პასი იყო.
მატჩის საუკეთესო კალათბურთელად „თსუ“-ს მოთამაშე გიორგი ტურძილაძე დასახელდა — 18 ქულა, 5 ასისტი, 4 მოხსნა და ეფექტურობის 24 ქულა.
შეხვედრის ყველაზე შედეგიანი მოთამაშე კი „თსუ“-ს ლეგიონერი ჰარდრიქტი გახდა, რომელმაც 24 ქულა მოიპოვა. შემდეგ მატჩს „კ/კ ბათუმი“ 20 დეკემბერს „ივერიონის“ წინააღმდეგ გამართავს.
ავტორი: დიმიტრი გორგილაძე
