ლევან ვარშალომიძე, რომელიც ყაზახეთში 18-19 მარტს ოფიციალური ვიზიტით იმყოფებოდა, ყაზახეთის სამართალდამცავებმა დროებით შეაჩერეს.
როგორც ელგუჯა ბაგრატიონი განმარტავს, ვარშალომიძე ქალაქ ატირაუში ადგილობრივი მხარის მიწვევით ჩავიდა, რათა კონსულტაციები გაეწია ქალაქის განვითარების საკითხებზე.
მისივე თქმით, 18 მარტს, 14:20 საათზე, მესაზღვრეებმა ვარშალომიძე რუსეთის მიერ საერთაშორისო ძებნაში გამოცხადების საფუძვლით შეაჩერეს და პოლიციის განყოფილებაში გადაიყვანეს, სადაც მთელი ღამის განმავლობაში გამოკითხვას უტარებდნენ.
„იგი დაუყოვნებლივ გათავისუფლდა განყოფილებიდან. დღეს დილით ლევან ვარშალომიძემ ყაზახეთი დატოვა. იგი ამსტერდამში იმყოფება. მადლობას ვუხდით ყველა იმ ადამიანს, ვინც ჩართული იყო, ვინც სოლიდარობა გამოუცხადა ლევან ვარშალომიძეს“, – აცხადებს ელგუჯა ბაგრატიონი.
ამ დროისთვის ვარშალომიძე უკვე ამსტერდამში იმყოფება.
