AJARATIMES.GE-ის ინფორმაციით, მდინარე ჭოროხის ადიდების შედეგად სამი ადამიანი კალაპოტში შექმნილი მცირე ზომის კუნძულიდან გამოსვლას ვერ ახერხებს. თვითმხილველთა თქმით, წყლის დონე თანდათან იწევს.
შემთხვევის ადგილზე მაშველები და სასწრაფო სამედიცინო დახმარების ცენტრის ექიმები იმყოფებიან. საგანგებო სიტუაციების მართვის სამსახურში განაცხადეს, რომ მოქალაქეები [21:30 საათის მონაცემებით] ადიდებული მდინარიდან უვნებლად გამოიყვანეს.
ინფორმაციისთვის: ხშირია შემთხვევები, როცა მდინარე ჭოროხი მოულოდნელად დიდდება, რის გამოც სათევზაოდ გასული ადამიანები კალაპოტში შემქმნილ კუნძულებზე რჩებიან. წყლის დონის უეცარი ადიდება ჰესს უკავშირდება.
