ოპოზიცია ხელვაჩაურის მერიას მიმართავს. “ნაციონალური მოძრაობა” სოფელ სალიბაურში საბჭოთა დროინდელი, ამორტიზებული შენობის დემონტაჟსა და მიმდებარე ტერიტორიის მოპირკეთებას ითხოვს. მათი თქმით, შენობის ნანგრევები საბავშვო სკვერის სიახლოვესაა, რაც ბავშვებისთვის სარისკო გარემოს ქმნის.
გარდა ამისა, ირაკლი ჩხაიძის თქმით, ტერიტორია ეკალ-ბარდითაა მოცული და ქვეწარმავლების ბუდეთაა ქცეული. ოპოზიციონერი ხელვაჩაურის მერიას დროული რეაგირებისკენ მოუწოდებს. ბრიფინგს მუნიციპალიტეტის მერია არ გამოხმაურებია.
