პრორუსული და ძალადობრივი „ალტ ინფოს“ წევრებმა და წარმომადგენლებმა ბათუმში, როგორც თავად განაცხადეს ჯვრის ფორმის ხმალი აღმართეს, რომლის დემონტაჟი მუნიციპალური ინსპექციის თანამშრომლებმა მოახდინეს.
მათი თქმით, ჯვარი დიდგორის გამარჯვების სიმბოლოა.
აღმაშენებლის ქუჩის წრიულზე ჩარჭობილი ქვის ჯვრის აღების პროცესს ხმაური და სიტყვიერი დაპირისპირება მოჰყვა.
ადმინისტრაციული წესით დააკავეს სამი პირი, ისინი მუნიციპალური ინსპექციის თანამშრომლებს უნებართვო კონსტრუქციის დემონტაჟში ხელს უშლიდნენ.
ინფორმაციისთვის: ტელეკომპანია “ალტ-ინფო”, ღიად ახმოვანებს პრორუსულ გზავნილებს საქართველოში, გარდა ამისა მათი კონტენტი სიძულვილის შემცველი და ჰომოფობიური შინაარსისაა.
