ბაირამის გამო, საქართველო თურქეთის საზღვარზე მგზავრთა რიგებია, ამის შესახებ მეზობელი ქვეყნის მედიასაშულებები იტყობინებიან. მათი ინფორმაციით, სარფის საბაჟოზე, მგზავრთა დიდი ნაკადია რის შედეგადაც ადამიანები საათობით ყოვნდებიან.
“სარფის სასაზღვრო ზოლზე საცობები გამოიწვიეს იმ მოქალაქეებმა, რომლებმაც 9-დღიანი შვებულება საქართველოში გაატარეს და შავი ზღვის ტურისტული პროგრამის ფარგლებში ბათუმში დასვენება გადაწყვიტეს,” – წერენ მედია გამოცემები.
ინფორმაციისთვის: 30-31 მარტსა და 1-ელ აპრილს ისლამური სამყარო ორი უდიდესი დღესასწაულიდან ერთ-ერთს, რამადან ბაირამს აღნიშნავს, რაც ნიშნავს მარხვის დასრულების, ხსნილის დღესასწაულს, რომელიც წმინდა რამადანის თვის დამთავრების შემდეგ აღინიშნება.
რამადან-ბაირამის დროს მუსლიმები ასრულებენ სადღესასწაულო ლოცვას, ამზადებენ ტრადიციულ კერძებს, გასცემენ მოწყალებას, არიგებენ საჩუქრებს, სტუმრად მიდიან მეგობრებთან და ნათესავებთან, შლიან დიდ საზეიმო სუფრებს.
