„ჩვენი ხმა ევროპას“; „საქართველოს გზა ევროპაშია“; „შინ ევროპისკენ“ – ეს იმ ფრაზების არასრული ჩამონათვალია, რომელთაც ბოლო ათეული წელია ხშირად გვესმის. პოლიტიკის თუ საზოგადოებრივი ცხოვრების სფეროში მიუხედავად მწვავე დაპირისპირებებისა, საქართველოს მოსახლეობის უმრავლესობისთვის ევროპული განვითარების გზა ქვეყნის მომავლის ხედვაში წამყვან ორიენტირად რჩება. და მაინც, რატომ ევროპა?
მას შემდეგ, რაც საბჭოთა კავშირი დაიშალა და საქართველო დამოუკიდებელი სახელმწიფოების რიგში ჩაეწერა, სამი ათეული წელი გავიდა. 30 წლის განმავლობაში ევროკავშირმა ჩვენს ქვეყანას ჰუმანიტარული დახმარება მრავალგზის გაუწია.
მაგალითისთის, ევროკავშირის დახმარება ასოცირებულია ისეთ წარმატებულ პროექტებთან, როგორებიცაა:
- ენგურჰესის რეაბილიტაცია
- სამტრედია-გრიგოლეთის მაგისტრალის მშენებლობა
- ევროპული სკოლის დაარსება თბილისში
- 2008 წლის რუსეთის აგრესიის შემდგომ 500 მილიონი ევროს ღირებულების დახმარება, რომლის დიდი ნაწილი იძულებით გადაადგილებულ პირთა საცხოვრებლების მშენებლობაზე დაიხარჯა
- 2015 წლის წყალდიდობის შემდგომ 50 მილიონ ევრომდე დახმარება წყალდიდობის შედეგების აღმოსაფხვრელად
- კოვიდ-პანდემიის პერიოდში 300 მილიონ ევრომდე ფინანსური დახმარების გამოყოფა
- აღჭურვილობის გადმოცემა ჩვენი ჯანდაცვის სისტემისათვის და მედიკოსთა გადამზადება
- განათლების მხარდაჭერა (Erasmus+), მათ შორის 6000-ზე მეტი სტუდენტის სწავლების დაფინანსება ევროპულ უნივერსიტეტებში
- ქართველ მეცნიერთა და კულტურის მოღვაწეთა მობილობების მხარდაჭერა
მოდი, დავკონკრეტდეთ და მეტი თვალსაჩინოებისთვის გადავავლოთ თვალი ჩამონათვალს, რომელიც გვიჩვენებს – რა დახმარება გაუწია ევროკავშირმა აჭარას.
- 2018-2022 წლებში, ევროკავშირისა და UNDP-ის დახმარებით აჭარის სოფლების (როგორც მეურნეობის, ასევე მოსახლეობის) დასახმარებლად 10 მილიონი ევრო გამოიყო
- ევროკავშირი საზღვაო სექტორში განათლებისა და დასაქმების გამოწვევებს არაერთ პროგრამას აფინანსებს
- აჭარაში წყალმომარაგებისა და წყალარინების თანამედროვე სისტემის დანერგვისთვისა და მოსახლეობის სოციალური მდგომარეობის გაუმჯობესებისთვის ევროკავშირმა 43.000.000 ევრო გამოყო.
- ადგილობრივი ბიზნესის გაძლიერებისთვის, რათა რეგიონში დასაქმების შესაძლებლობები გაჩენილიყო 6000 ევრო გამოყო.
- ევროკავშირის დახმარებით, აჭარის რეგიონში სამეწარმეო ტრენინგები ჩატარდა
აღსანიშნავია, რომ საქართველომ ზემოაღნიშნული დახმარებები ევროკავშირში გაწევრიანების გარეშე მიიღო. საინტერესოა, რა შეიცვლება ჩვენს ქვეყანაში, თუ ევროკავშირის სრულუფბლებიანი წევრი გავხდებით?
- ჩვენს ქვეყანაში პოლიტიკური პოლარიზაცია აღმოიფხვრება და პარტიებს შორის თანამშრომლობა გაძლიერდება.
- ჩატარდება სამართლიანი, თავისუფალი და კონკურენტული არჩევნები
- სასამართლო სისტემა სრულად რეფორმირდება
- ავტომობილების საზღვარგარეთიდან ჩამოყვანის შემთხვევაში განბაჟების თანხის გადახდა აღარ იქნება სავალდებულო
- დაწესდება მინიმალური ხელფასი, რომელიც საქართველოში არსებულ სიღატაკეს აღმოფხვრის
- გაიზრდება პენსიები
- განვითარდება მცირე და საშუალო მიზნესი
- ქართველებს ემიგრაციაში წასვლა, სამსახურისთვის აღარ მოუწევთ
- იქნება დაცული ადამიანის უფლებები, რის შედეგადაც ყველას ექნება გამოხატოს საკუთარი აზრი, სექსუალური ორიენტაცია, რელიგია და ა.შ
