USAID- ის მხარდაჭერილმა ბიზნესმა ბათუმში ახალი მაღაზია გახსნა. კომპანია “კერკი”, რომლის საწარმოც ქედის მუნიციპალიტეტშია ორგანულად მოყვანილი ხილისა და თხილისგან დამზადებულ პროდუქტებს აწარმოებს.
“კერკიმ” გრანტის ფარგლებში ასევე, სურსათის ხარისხისა და უვნებლობის სერთიფიკატი აიღო, რაც კომპანიას პროდუქციის ევროკავშირსა და სხვა მომგებიან საერთაშორისო ბაზრებზე ექსპორტში დაეხმარება.
კერკის საწარმო, რომელიც კოვიდ პანდემიის პერიოდში შეიქმნა სოფელ ძენწმანშია. საწარმო ამ ეტაპზე 5 სახის პროდუქტს აწარმოებს: ჩირი, ტყლაპი, თხილეული, ჩურჩხელა, ცუკატი.
მეორე მეწარმე, ვისაც USAID ფინანსურად დაეხმარა ზაირა ჯიბლაძეა. დაბა მახინჯაურში მცხოვრებმა პროფესიით ჟურნალისტმა და მისმა მეუღლემ ბერიძეების ღვინის მარანი გახსნეს. ისინი მარანში აწარმოებენ ღვინოს, ჩირსა და მურაბებს.
USAID ზაირას გადამამუშავებელი და შესანახი აღჭურვილობის შეძენაში დაეხმარა, რამაც კომპანიას წარმოების გაზრდის საშუალება მისცა. ახლა ბერიძეების ღვინის მარნის პროდუქცია საქართველოს ბევრ სუპერმარკეტში იყიდება. ზაირა კი მალე ევროკავშირში ექსპორტსაც გეგმავს.
USAID ბიზნესთან თანამშრომლობას აგრძელებს, რათა ხელი შეუწყოს კომპანიებს მაღალი ხარისხის პროდუქციის წარმოებაში, რეალიზაციასა და ახალი სამუშაო ადგილების შექმნის პროცესში.
