რა კაპიტალი ჰქონდა თანამდებობამდე თორნიკე რიჟვაძეს და რა აქვს ახლა • აჭარა თაიმსი

თორნიკე რიჟვაძემ აჭარის მთავრობის თავმჯდომარის რანგში ქონების დეკლარირება პირველად 30.09.2018 წელს მოახდინა, რომლის მიხედვითაც ირკვევა, რომ მეუღლის, მაგდა მამულაძის სახელზეა 2007 წელს ნაჩუქარი ბინა ბათუმში, ფიროსმანის ქუჩაზე. მაგდა მამულაძემ ასევე, მემკვიდრეობით მიიღო 13, 400 კვ.მ მიწის ნაკვეთი და საცხოვრებელი სახლი.

თორნიკე რიჟვაძე კი, ბათუმში, ჭავჭავაძის ქუჩაზე ფლობს კომერციულ ფართს, რომელიც ნასყიდობის ფორმით, 65 000 USD აქვს შეძენილი. წლებია, ამავე მისამართზე ცხოვრობს რიჟვაძე ოჯახთან ერთად, თუმცა ქონებრივ დეკლარაციაში აღნიშნული ბინის შესახებ ინფორმაცია არაა მითითებული, სახელმწიფო დაცვაც ჭავჭავაძის 5 ნომერშია განთავსებული. სავარაუდოდ, საცხოვრებელი მათ სახელზე არაა.

რიჟვაძის სახელზეა 61 000 USD შეფასებული ბინა თბილისში, რომელიც ასევე, როგორც დეკლარაციაშია მითითებული ნასყიდობის ფორმითაა შეძენილი 2017 წელს. მეუღლის მაგდა მამულაძის სახელზეა მსუბუქი ავტომობილი Toyota Camry, რომელიც 8 500 USD შეფასებული.

აჭარის მთავრობის თავმჯდომარის საბანკო მონაცემები და კაპიტალი 2018 წლის მდგომარეობით ასე გამოიყურება:

“საქართველოს ბანკი” სახელფასო 2019,01 GEL
“საქართველოს ბანკი” სახელფასო 11792,87 USD
“საქართველოს ბანკი” საკრედიტო 485,55 GEL
“თი–ბი–სი ბანკი” საბარათე 306,78 USD
7000 USD დანაზოგი
5000 GEL დანაზოგი

ქონებრივი დეკლარაციის მიხედვით ირკვევა, რომ თორნიკე რიჟვაძე და მისი მეუღლე, მაგდა მამულაძე რამდენიმე კომპანიაში ფლობენ წილებს, თუმცა დოკუმენტში აღნიშნულია, რომ სამეწარმეო საქმიანობით მათ ანაზღაურება არ მიუღიათ.

ვიდრე თორნიკე რიჟვაძე აჭარის მთავრობის თავმჯდომარე გახდებოდა ის ენერგეტიკის სამინისტროში, მინისტრის მოადგილედ მუშაობდა, საიდანაც მას ანაზღაურების სახით, 2017 წელს 34967 GEL აქვს მიღებული.

საქართველოს ენერგეტიკის განვითარების ფონდის დირექტორად მუშაობის პერიოდში კი რიჟვაძემ 2012 GEL მიიღო. 2017 წელს ეკონომიკისა და მდგრადი განვითარების სამინისტროში მუშაობისას 3914,29 GEL აქვს მიღებული.

საჯარო სამსახურში გადანაცვლებამდე თორნიკე რიჟვაძე შპს “აჭარისწყალი ჯორჯიაში” მუშაობდა, რა დროსაც მან ანაზღაურების სახით 106764 GEL მიიღო.

მისი მეუღლე, მაგდა მამულაძე ბათუმის მერვე საჯარო სკოლის პედაგოგია, მას 2017 წლის მონაცემებით, 881,55 GEL აქვს მიღებული. ამავე წელსვე, მამულაძე კერძო კომპანიაში იყო დასაქმებული, საიდანაც ანაზღაურების სახით 8712,96 GEL ჩაურიცხეს.

2017 წლის მონაცემებით, თორნიკე რიჟვაძეს კომერციული ფართებიდან, ასევე, ბინიდან საიჯარო ხელშეკრულებებით რამდენიმე ათასი ლარი აქვს მიღებული. ამ შემთხვევაში მონაცემები ასე გამოიყურება ⇓

იჯარა, კომერციული ფართის იჯარა, 4400, USD – 6338 GEL (შემოსავალი)
იჯარა, კომერციული (საოფისე) ფართის იჯარა, 2000, EUR – 5666 GEL (შემოსავალი)
იჯარა, თბილისის ბინის იჯარა, 5760, USD – 1440 USD (შემოსავალი)

აჭარის მთავრობის თავმჯდომარემ ქონებრივი დეკლარაცია ბოლოს 25.09.2023 წელს შეავსო. დოკუმენტის თანახმად, მას თანამდებობამდე არსებული ქონების გარდა, შემდგომ წლებში მნიშვნელოვანი შენაძენი არ აქვს. განახლებულ დოკუმენტში აღნიშნულია ოჯახის სახელფასო შემოსავალი და 105 000, USD ოდენობის იპოთეკური სესხი.

ოჯახის სახელფასო შემოსავალი 2023 წლის მდგომარეობით ასე გამოიყურება ⇓

თორნიკე რიჟვაძე: