როინ კვასხვაძემ „დინამო ბათუმის“ რიგები დატოვა, ამის შესახებ კლუბი იტყობინება.
„როინ კვასხვაძემ დინამო ბათუმი დატოვა. კვასხვა, შენ ჩვენი კლუბის ისტორიის უმნიშვნელოვანესი ნაწილი ხარ შენი სახელი სამუდამოდ გაჰყვება როგორც დინამო ბათუმს, ასევე ქართულ ფეხბურთს. მადლობა დიდებულად ჩატარებული მატჩებისთვის, მადლობა პროფესიონალიზმისთვის, ერთგულებისთვის და საქართველოს ჩემპიონობისთვის.“ – წერია კლუბის მიერ გავრცელებულ განცხადებაში.
კვასხვაძე „ბათუმელების“ კარს 2023 და 2024 წლებში იცავდა. კლუბთან ერთად, ეროვნული ლიგაში 31 მატჩში მიიღო მონაწილეობა. 2023 წლეს “დინამო ბათუმთან” ერთად საქართველოს ეროვნული ლიგის ჩემპიონი გახდა.
როინ კვასხვაძე სხვადასხვა დროს “დინამო თბილისის” “ქუთაისის ტორპედოსა” და “ს/კ ზესტაფონის” რიგებში თამაშობდა. კარიერის მანძილზე ოთხჯერ იყო ეროვნული ლიგის ჩემპიონი, თითოჯერ მოიგო საქართველოს სუპერთასი და საქართველოს თასი.
ავტორი: დიმიტრი გორგილაძე
