Euro Beach Soccer League 2026-ის B დივიზიონი აზერბაიჯანის ნაკრების ტრიუმფით დასრულდა. აზერბაიჯანის ნაკრებმა ფინალში ლატვიის ნაკრები ანგარიშით 4:0 დაამარცხა და ტურნირის ოქროს მედლები მოიპოვა.
ქვიშის ფეხბურთის ევროპის ლიგის B დივიზიონზე მესამე ადგილი საქართველოს ნაკრებმა დაიკავა, რომელმაც მესამე ადგილისთვის გამართულ შეხვედრაში ნორვეგიას 6:3 მოუგო.
ტურნირის საუკეთესო მოთამაშედ (MVP) აზერბაიჯანელი საჰიბ მამედოვი დასახელდა. სხვა ინდივიდუალური ჯილდოებიდან, საუკეთესო მეკარის ტიტული აზერბაიჯანის ნაკრების წევრმა ელჩინ გასიმოვმა მოიპოვა, ხოლო B დივიზიონის საუკეთესო ფორვარდი, შვიდი გოლით, ლატვიელი ტომს გრისლისი გახდა.
Euro Beach Soccer League-ის ჩემპიონატი საქართველოში რიგით მესამედ ჩატარდა. 2026 წლის ტურნირი 15-19 ივლისს ბათუმში გაიმართა. წელს B დივიზიონში შვიდი გუნდი მონაწილეობდა.
ავტორი: დიმიტრი გორგილაძე
