ეროვნული ლიგის 23-ე ტურში „დინამო ბათუმმა“ 3:0 დაამარცხა „სპაერი“ და მნიშვნელოვანი სამი ქულა მოიპოვა.
შეხვედრის ანგარიში მე-7 წუთზე ლუკა წულუკიძემ გახსნა, რომელმაც თერთმეტმეტრიანი წარმატებით შეასრულა. მატჩის 26-ე წუთზე წულუკიძის დუბლით „თოლიების“ უპირატესობა ორ ბურთამდე გაიზარდა.
მესამე და ფინალური გოლი „ბათუმელების“ ახალწვეულმა ავოკე ეშეტმა გაიტანა.
„დინამო ბათუმი“ მომდევნო შეხვედრას 4 სექტემბერს გამართავს. ეროვნული ლიგის 24-ე ტურში „თოლიები“ „რუსთავს“ დაუპირისპირდებიან.
ავტორი: დიმიტრი გორგილაძე
