შემოსავლების სამსახურის ინფორმაციით, ფოთისა და ყულევის პორტებში, ასევე ფოთის თავისუფალ ინდუსტრიულ ზონაში, საბაჟო კონტროლის ფარგლებში გერმანიიდან და ეგვიპტიდან შემოტანილი სურსათის ჯგუფის ტვირთები – ტკბილი კარტოფილი (ბატატი) და გაყინული ქათმის ხორცი – საკვებად უვარგისად გამოცხადდა.
უწყების ცნობით, სასაზღვრო-საკარანტინო კონტროლის პროცედურების დროს, ფიზიკური შემოწმებისას აღმოჩნდა, რომ ტკბილი კარტოფილის 70% სერიოზულად დაზიანებული და საკვებად უვარგისი იყო. შესაბამისად, ტვირთს სრული განადგურება დაექვემდებარა.
გარდა ამისა, გაყინული ქათმის ხორცის 27 ტონიდან აღებულ ნიმუშებში ლაბორატორიულმა კვლევამ პათოგენური მიკროორგანიზმი – სალმონელა გამოავლინა. ამ მიზეზით, ხორცპროდუქტი საექსპორტო ქვეყანაში უკან გაიგზავნა.
თუ „აჭარა თაიმსის“ მასალებს იყენებთ, აუცილებელია წყაროსა და ბმულის მითითება. გთხოვთ, მასალის გადაბეჭდვის შემთხვევაში გაითვალისწინეთ ვალდებულება!
