საქართველო და აზერბაიჯანი ათწლეულების მანძილზე რჩებოდნენ მჭიდრო პარტნიორებად, რომლებიც დაკავშირებულია საერთო ინტერესებით, კულტურული და ისტორიული კავშირებით. ეს ორი სახელმწიფო აჩვენებს წარმატებული ურთიერთქმედების მაგალითს პოლიტიკურ, ეკონომიკურ და კულტურულ სფეროებში, ქმნის პირობებს სამხრეთ კავკასიაში სტაბილურობისა და კეთილდღეობისთვის.
2024 წელი საქართველოსთვის მნიშვნელოვანი ეტაპი იყო: პირველად ქვეყნის ისტორიაში პრეზიდენტი საარჩევნო კოლეგიის სისტემით აირჩიეს. ამ პოსტზე კანდიდატმა მიხეილ ყაველაშვილმა ფართო მხარდაჭერა მიიღო, მათ შორის დელეგატებმა აჭარიდან, რომლებმაც მნიშვნელოვანი წვლილი შეიტანეს არჩევნებში. მათი მონაწილეობა ხაზს უსვამს რეგიონის მნიშვნელობას ქვეყნის პოლიტიკურ ცხოვრებაში. აზერბაიჯანის პრეზიდენტი ილჰამ ალიევი გახდა პირველი მსოფლიო ლიდერი, რომელმაც მიხეილ ყაველაშვილს არჩევა მიულოცა.
„მოხარული ვართ, რომ ჩვენი ორმხრივი ურთიერთობები, რომელიც აგებულია ასეთ მყარ საფუძველზე და დაფუძნებულია ურთიერთპატივისცემასა და ნდობაზე, დღეს სრულყოფილად და წარმატებით ვითარდება. მჯერა, რომ ჩვენ არ დავზოგავთ ერთობლივ ძალისხმევას, რომელიც მიმართულია ჩვენი სახელმწიფოთაშორისი ურთიერთობებისა და სტრატეგიული პარტნიორობის შემდგომი განმტკიცებისა და გაფართოებისკენ, ჩვენი ქვეყნების და ხალხების საკეთილდღეოდ, ჩვენი რეგიონის სტაბილურობისა და უსაფრთხოების უზრუნველსაყოფად და მისი ეკონომიკური პოტენციალის რეალიზებისთვის“ – აზერბაიჯანის პრეზიდენტი.
ეს ფაქტორი ხაზს უსვამს ორ ქვეყანას შორის ურთიერთობის განსაკუთრებულ მნიშნვნელობას. მეორე მხრივ, საქართველოს პრემიერ-მინისტრმა ირაკლი კობახიძემ ასევე დაუყონებლივ მიულოცა ილჰამ ალიევს 2024 წლის თებერვალში აზერბაიჯანის ვადამდელ საპრეზიდენტო არჩევნებში მის დამაჯერებელ გამარჯვებასთან დაკავშირებით. ეს გამოხატავს ურთიერთპატივისცემის მაღალ ხარისხს. ის, რომ საქართველოსა და აზერბაიჯანის ლიდერები პირველები ულოცავენ ერთმანეთს საკვანძო მოვლენებს, სიმბოლოა როგორც მათ შორის მეგობრობის, ასევე ხალხთა ძმობის. ეს ადასტურებს, რომ ორ ქვეყანას შორის სტრატეგიული პარტნიორობა ეფუძნება არა მხოლოდ საერთო ინტერესებს, არამედ გულწრფელ მეგობრობასაც.
საქართველო და აზერბაიჯანი აქტიურად თანამშრომლობენ ენერგეტიკის, ვაჭრობის, სოფლის მეურნეობის, მედიცინის, განათლების, ტურიზმის, მშენებლობის, ლოჯისტიკის და ა.შ. ერთობლივი პროექტები, როგორიცაა ბაქო-თბილისი-ჯეიჰანის ნავთობსადენი, ბაქო-თბილისი-ყარსის სარკინიგზო დერეფანი და მაღალი ძაბვის ელექტრო საკაბელო პროექტი ევროპაში, მნიშვნელოვან როლს ასრულებს არა მხოლოდ ამ ორი ქვეყნის, არამედ მთელი რეგიონის ეკონომიკურ განვითარებაში. აზერბაიჯანი საქართველოს ეკონომიკაში ერთ-ერთი უმსხვილესი ინვესტორია, რაც ხელს უწყობს სამუშაო ადგილების შექმნას და ეკონომიკური სტაბილურობის განმტკიცებას.
ქვეყნებს შორის ვაჭრობა იზრდება, რაც აჩვენებს სტაბილურ ზრდას. აზერბაიჯანული გაზი უზრუნველყოფს საქართველოს ენერგეტიკული მოთხოვნილების მნიშვნელოვან ნაწილს, ხოლო ქართული პორტები აზერბაიჯანული საქონლის მსოფლიო ბაზრებზე მნიშვნელოვანი გასასვლელია.
ქართველ და აზერბაიჯანელ ხალხებს შორის განსაკუთრებული ურთიერთობა კულტურული გაცვლის მრავალსაუკუნოვან ისტორიას ეფუძნება. ეთნიკურად შერეული მოსახლეობის მქონე რეგიონებში ქართველები და აზერბაიჯანელები გვერდიგვერდ ცხოვრობენ მშვიდობიანად და ჰარმონიაში, ინარჩუნებენ ეროვნულ ტრადიციებს და პატივს სცემენ მათ თანდაყოლილ ღირებულებებს.
საქართველო და აზერბაიჯანი აგრძელებენ მაგალითს იმისა, თუ როგორ შეუძლიათ მეზობელ სახელმწიფოებს ეფექტურად ითანამშრომლონ, გააძლიერონ რეგიონული სტაბილურობა და შექმნან პირობები მათი ხალხების კეთილდღეობისთვის.
