ბათუმის სასაზღვრო პოლიციის სამმართველოს მიერ ჩატარებული ოპერატიულ-სამძებრო ღონისძიებების შედეგად, უცხო ქვეყნის ხუთი მოქალაქე საქართველოს სახელმწიფო საზღვრის ჯგუფურად, უკანონოდ გადაკვეთის მცდელობისთვის დააკავეს.
შინაგან საქმეთა სამინისტროს ინფორმაციით, დაკავებულები არიან:
- ა.ფ. — დაბადებული 1991 წელს,
- პ.ტ. — დაბადებული 1996 წელს,
- ს.ტ. — დაბადებული 1991 წელს,
- კ.ჰ. — დაბადებული 2002 წელს,
- ა.ა. — დაბადებული 1994 წელს.
გამოძიებით დადგინდა, რომ ბრალდებულები ცდილობდნენ საქართველო-თურქეთის საზღვრის გადაკვეთას სასაზღვრო-კონტროლის გამტარი პუნქტების გვერდის ავლით.
ისინი ბათუმის სამმართველოს “გორგაძეთისა” და “სარფის” სასაზღვრო სექტორების მიმდებარე ტერიტორიაზე დააკავეს.
დაკავებულთა ქმედება გათვალისწინებულია საქართველოს სისხლის სამართლის კოდექსის 19-344-ე მუხლის მეორე ნაწილის „ა“ ქვეპუნქტით, რაც გულისხმობს სახელმწიფო საზღვრის ჯგუფურად, უკანონოდ გადაკვეთის მცდელობას. დანაშაული 5 წლამდე ვადით თავისუფლების აღკვეთას ითვალისწინებს.
