ადგილზე დაიღუპა ქალი, რომელსაც ქმარმა ჭრილობები ცივი იარაღით მიაყენა. ფემიციდის შემთხვევა დღეს, დილით, შუახევის მუნიციპალიტეტში მოხდა.
აჭარის მაუწყებლის ინფორმაციით, შემთხვევის ადგილზე ექსპერტ-კრიმინალისტები მუშაობენ. ფაქტზე შინაგან საქმეთა სამინისტრომ გამოძიება დაიწყო. ამ ეტაპზე სხვა დეტალები უცნობია.
ინფორმაციისთვის: სახალხო დამცველის ინფორმაციით, საქართველოში 2023 წელს 24 ქალი მოკლეს.
