„აჭარა თაიმსის“ ინფორმაციით, ბათუმში, გოროდოკის დასახლებაში ავტოსაგზაო შემთხვევა მოხდა. ერთმანეთს მსუბუქი და საპატრულო პოლიციის ავტომობილი შეეჯახა. თვითმხილველების ინფორმაციით, საპატრულო პოლიციის ეკიპაჟი მაღალი სიჩქარით გადაადგილდებოდა, რა დროსაც შეჯახება მოხდა.
შეჯახების შედეგად პოლიციის ავტომობილი ბორდიურზე ავარდა. შსს-ში განმარტეს, რომ ფაქტზე ადმინისტრაციული სამართალწარმოება დაიწყო, არავინ დაშავებულა.
