ფრენბურთის კლუბ ბათუმის ქალთა და კაცთა გუნდებმა, საქართველოს ეროვნული ჩემპიონატის, უმაღლესი ლიგის მეორე მატჩი მოიგეს.
10 ნოემბერს, „ფ/კ ბათუმის“ მამაკაცების ნაკრები, „გორს“ ეთამაშებოდა. შეხვედრა „ბათუმელების“ გამარჯვებით, 3 – 1 დასრულდა. ოთხივე სეტის ანგარიში ასე გამოიყურება: 20/25; 27/25; 25/15; 25/23.
„ფრენბურთის კლუბი ბათუმის“ ქალთა გუნდი, ცხრა ნოემბერს, “UG-ს” ეთამაშა და ანგარიშით 0 – 3 მოიგო. “ბათუმელებმა” მეტოქეს სამი სეტი დამაჯერებლად, 10/25; 13/25; 14/25, მოუგეს.
საქართველოს ეროვნული ჩემპიონატის, ეროვნული ლიგის 2024-2025 წლების სეზონში, 16 გუნდი (8-კაცები/ 8-ქალები) მონაწილეობს. ჩემპიონატი სამ ეტაპად ტარდება: 1-2 ეტაპი წრიული სისტემით ჩატარდება, მე-3 ეტაპზე ნახევარფინალური მატჩები გაიმართება, ფინალში – 4 რეიტინგული გუნდი ითამაშებს. უმაღლესი ლიგის მატჩი: მცხეთაში, ბათუმში, რუსთავში და სამტრედიაში ჩატარდება.
ავტორი: დიმიტრი გორგილაძე
