აჭარის უმაღლესი საბჭოს ბიუროს სხდომაზე “ქართული ოცნების” წევრმა დავით თედორაძემ თანაგუნდელი, ჯაბა ფუტკარაძე, დაპირების შეუსრულებლობაში დაადანაშაულა.
“სამი წლის წინ, თქვენი თანხმობითა და ნებართვით, [სოფელ სამებაში] გზის რეაბილიტაცია დავპირდი მოსახლეობას — ეს კარგად მოგეხსენებათ. შარშან იმ სოფელში ძალიან კარგი შედეგი გვქონდა არჩევნებზე: 1450 ამომრჩევლიდან 1200 ხმა „ქართულმა ოცნებამ“ მიიღო. მაგრამ წელს არ ვიცი, როგორ იქნება, რადგან ახლა ადამიანები ჩემს მიცემულ დაპირებას მახსენებენ,” — განაცხადა უმაღლესი საბჭოს არალეგიტიმურმა წევრმა, დავით თედორაძემ, და ამ სიტყვებით აჭარის ეკონომიკის არალეგიტიმურ მინისტრს, ჯაბა ფუტკარაძეს, მიმართა.
