მერიამ და აჭარის მთავრობამ ქობულეთელები მოატყუა, მუნიციპალიტეტის კვლავ სპორტ სკოლის გარეშეა, ამის შესახებ ბრიფინგზე “ნაციონალური მოძრაობის” წევრმა განაცხადა. ბონდო თედორაძის თქმით, წლებია ადგილობრივები დაპირების შესრულებას ელოდებიან.
წინა ხელისუფლების დროს, სპორტსკოლის მშენებლობა რუსთაველის ქუჩაზე დაიწყო, თუმცა “ქართული ოცნების” ხელისუფლებაში მოსვლის შემდეგ პროექტის განხორციელება შეწყდა. ტერიტორიაზე ახლა მხოლოდ ბეტონის სვეტები და საძირკველია.
“ჩვენ დავიწყეთ სპორტსკოლის მშენებლობა, ეს იყო გარდამავალი პროექტი, თუმცა ახალმა ხელისუფლებამ მშენებლობა შეაჩერა. 11 წელია, ყოველწლიურად პირდებოდნენ ქობულეთელებს, რომ იქნებოდა ახალი სპორსკოლა, თუმცა დღემდე არაფერი გაკათებულა. 2023 წლის ბოლოს, აჭარის მთავრობის თავმჯდომარემ დაპირება ხელახლა გასცა, გამოცხადდა შესაბაამისი ტენდერი, რაც არ შედგა. მორიგი მცდელობაც მოგვიანებით მიივიწყეს. კითხვით მივმართავთ თორნიკე რიჟვაძესა და ქობულეთის მერის – შეგნებულად რატომ მავნებლობთ? პროექტი რისთვის დაიწუნეთ და რატომ არ აქვს მუნიციპალტიეტს დღეს სპორტსკოლა,” – განაცხადა ბრიფინგზე ბონდო თედორაძემ.
“ნაციონალური მოძრაობის” წევრს ქობულეთის მერიაში არ უპასუხეს.
