შუახევის მუნიციპალიტეტში უამინდობის გამო, 24-25 თებერვალს საბავშვო ბაღებში სააღმზრდელო პროცესი შეწყდება.
“გადაწყვეტილება მიღებულია მოსალოდნელი რისკების გათვალისწინებით და აღმზრდელთა და აღსაზრდელთა უსაფრთხოების დაცვის მიზნით. დიდთოვლობისა და ქარბუქის გამო გადაადგილება გართულებულია, რაც საბავშვო ბაღების ფუნქციონირებას დროებით შეუძლებელს ხდის,” — აცხადებენ მუნიციპალიტეტში.
მუნიციპალიტეტის ცნობით, სააღმზრდელო პროცესი 26 თებერვალს განახლდება, თუ ამინდის პირობები ამის შესაძლებლობას შექმნის.
