ჭადრაკში, ბათუმში სტარტი აიღო საქართველოს 34-ე ჩემპიონატმა, 8, 10, 12, 14, 16 და 18 წლამდე ასაკის ჭაბუკთა და გოგონათა შორის.
ტურნირი ექვსს მაისს დაიწყო და 14 მაისამდე გაიმართება.
ჩემპიონატში 300-მდე ქართველო სპორტსმენი ასპარეზობს. ტურნირი ყველა ასაკობრივ კატეგორიაში შვეიცარიული სისტემით, 9 ტურად გაიმართება. ხოლო 16 და 18 წლამდე გოგონებს შორის წრიული სისტემით.
8, 10 და 12 წლამდე კატეგორიაში გამარჯვებული სპორტსმენები, მსოფლიო თასის საგზურს მოიპოვებენ, რომელიც 22 ივნისიდან – 2 ივლისის ჩათვლით ბათუმში გაიმართება.
საქართველოს 34-ე ჩემპიონატი, საქართველოსა და აჭარის ჭადრაკის ფედერაციის ორგანიზებით, მუხრან ვახტანგის სახელობის ბათუმის სპორტის სასახლეში მიმდინარეობს.
ავტორი: დიმიტრი გორგილაძე
