AJARATIMES.GE-ის ინფორმაციით, ქობულეთის მუნიციპალიტეტის სოფელ ბობოყვათში ხანძარია. ადგილობრივები გვიყვებიან, რომ ცეცხლი საკარმიდამო ნაკვეთზეა გავრცელებული.
“იწვის ეკალ-ბარდი და ხეები. ცეცხლის კერა სახლებთან და ელექტროენერგიის ხაზებთან ახლოსაა,” – უთხრა “აჭარა თაიმსს” მოქალაქემ.
შემთხვევის ადგილზე იმყოფებიან მეხანძრემაშველები. საგანგებო სიტუაციების მართვის სამსახურში გვითხრეს, რომ ხანძარი ამ დროისთვის (22:35 საათი) ლიკვიდირებულია, შედეგად არავინ დაშავებულა.
