AJARATIMES.GE-ის ინფორმაციით, ჩაქვში, ქობულეთის შემოვლითი გზის მიმდებარედ ხანძარია. ცეცხლი ეკალ-ბარდზეა გავრცელებული. ცეცხლი სავარაუდოდ, ადგილობრივებმა დაანთეს, რადგან ტერიტორია სავარგულებისთვის გამოიყენება.
ინფორმაციისთვის: მიწის ნაკვეთზე მარცვლოვანი ნაწვერალის გადაწვა ჯარიმას ითვალისწინებს. კანონის თანახმად, მიწის ნაკვეთზე არსებული მარცვლოვანი მცენარეებისთვის (მათ შორის მათი ნაწვერალისთვის) ცეცხლის წაკიდებისთვის დაწესებულია ადმინისტრაციული ჯარიმა – ფიზიკური პირებისთვის თითოეულ ჰექტარზე 1 000 ლარის, იურიდიული პირებისთვის კი – 2 000 ლარის ოდენობით. აღნიშნული სანქციები გამოიწვევს მიწის ნაკვეთის მესაკუთრის, მფლობელი ფიზიკური პირის, ან იურიდიული პირის დაჯარიმებას.
განახლება: საგანგებო და გადაუდებელი სიტუაციების მართვის სამსახურში განაცხადეს, რომ ცეცხლი (15:30 საათი) უკვე ლიკვიდირებულია.
