ოჯახი ბათუმში, რომელსაც მიცვალებულის დასაკრძალი ფული არ აქვს

[embedyt] https://www.youtube.com/watch?v=nYX6rpr6MA4[/embedyt]

ბათუმში, თაბუკაშვილის ქუჩის 3 ნომერში ცხოვრობს ღატაკი ოჯახი, რომელსაც სახელმწიფო არ ეხმარება. დედა-შვილი და ბებია წლებია ბებიის 300 ლარიანი პენსიით არსებობდნენ. ბებია, რომელიც ორი დღის წინ გარდაიცვალა ოჯახს დასაკრძალი ფულიც არ აქვს. უკიდურესად გაჭირვებული ოჯახი მეზობლების იმედად არიან, როგორც აქამდე. ანიკინებს პერიოდულად ვეტერინარი, გიორგი კალანდაძეს ეხმარება.

სახლი, სადაც ისინი ცხოვრობენ ინგრევა, კედლები და იატაკი ამორტიზებულია. დაზიანებული სახურავიდან კი ოთახებში წვიმის წყალი ჩადის. ფიცრულში არ არის გათბობა და სველი წერტილი. სახლი ანიკინების ნათესავის საკუთრებას წარმოადგენს.

ოჯახის ერთ-ერთი წევრი, პანა ანიკინა მძიმე ჯანმრთელობის პრობლემების მქონეა. მისი თქმით, ორივე ფეხზე განგრენა აქვს. შვილი იოლანდა, რომელიც 22 წლისაა პირადობის მოწმობა არ გააჩნია, იოლანდასაც ჯანმრთელობის პრობლემები აწუხებს.

ოჯახის მდგომარეობა სოციალური მომსახურების სააგენტომ მაღალი სარეიტინგო ქულებით შეაფასა, რაც ფულადი დახმარების დანიშვნის საფუძველი არ გახდა.