ბათუმის ხელოვნების უნივერსიტეტის სტუდენტებმა ამავე სასწავლებლის დეკანისა და 4 სტუდენტის მხარდასაჭერად აქცია-პერფორმანსი გამართეს.
სტუდენტები იმედოვნებენ, რომ ბრალდებულების გათავისუფლება სასამართლო პროცესების შემდგომ მოხდება. ღონისძიებაზე ახალგაზრდებმა დაპატიმრებული თანატოლების ნამუშევრები და ინსტრუმენტები წარმოადგინეს.
სტუდენტებმა სიმბოლურად სიჩუმის წუთები მოაწყვეს.
“თავისუფლება უდანაშაულო ბიჭებს, რომლებიც არიან ხელოვანები და ინტელექტუალები. განათლების გარდა, ეს ბიჭები არიან უპატიოსნები, მოწესრიგებული ადამიანები. ამ ბიჭების ციხეში ყოფნა, ძალიან დიდი ტკივილია. არაფერი ჩვენ სათმელი არ გვაქვს გარდა ერთისა, თავისუფლება მათ. ჩვენ ამ ღონისძიებაზე გამოვფინეთ ბიჭების სამუშაო ინსტრუმენტები სიმების გარეშე, რომლებზეც დაკვრას ვერ შევძლებთ. სალექციო სივრცე კი ბატონი მამუკას გარეშე წარმოვადგინეთ. ასევე, ყველა დაპატიმრებულის ნამუშევრები წარმოვადგინეთ, მათ შორის მათი წერილები. პერფორმანსი ახალგაზრდა რეჟისორებმა დადგეს,” – განაცხადა საბა ოკუჯავამ.
ინფორმაციისთვის: დეკანი და ოთხი სტუდენტი ჯგუფური თავდასხმის ბრალდებით აიყვანეს. ვრცლად ამ თემაზე წაიკითხეთ ბმულზე.
