ხულოს მუნიციპალიტეტის მერიამ მაღალი თანამდებობის პირების გამასპინძლებისთვის ბიუჯეტიდან 19125.54 ლარი დახარჯა, ამის შესახებ “აჭარა თაიმსისთვის” მიწოდებულ საჯარო ინფორმაციაში წერია. დოკუმენტში არაა დაკონკრეტებული 2023 წელს, წარმომადგენლობით ხარჯებისთვის გათვალისწინებული თანხა კონკრეტულად რაში დაიხარჯა.
უწყებაში არ გვითხრეს რა ტიპის საჩუქრები შეიძინეს ან ვის გაუშალეს სუფრა ბიუჯეტის ხარჯზე. ხულოს მერიაში ასევე, არ აკონკრეტებენ ვინ მოიაზრებიან “მაღალი თანამდებობის პირებად”.
ხულოს მერიის მსგავსად, წარმომადგენლობითი ხარჯების დეტალურ ინფორმაციას სხვა მუნიციპალიტეტებიც მალავენ, ამ თემაზე უფრო მეტის წაკითხვა შეგიძლიათ აქ.
ინფორმაციისთვის: წარმომადგენლობითი ხარჯები მოიცავს მიღებებსა და ოფიციალურ სადილებზე, წვეულებებსა და ღონისძიებებზე, საექსკურსიო და კულტურულ-სანახაობით ღონისძიებებზე დახარჯულ თანხას.
