ბათუმში, ახალი ბულვარის ტერიტორიაზე ავტოსაგზაო შემთხვევა მოხდა. ერთმანეთს ორი მსუბუქი ავტომობილი შეეჯახა, რის შედეგადაც ერთი პირი დაშავდა.
დაშავებული სასწრაფო სამედიცინო დახმარების ჯგუფმა კლინიკაში გადაიყვანა. პირველადი ინფორმაციით, ის კონტაქტურ მდგომარეობაშია.
ინფორმაციისთვის: ადგილობრივები აღნიშნულ მონაკვეთს ავარიულ ზონად მიიჩნევენ – ახალი ბულვარის ტერიტორიაზე გზებზე მძღოლები ხშირად გადაადგილდებიან მაღალი სიჩქარით, რაც ავარიებს იწვევს.
