შინაგან საქმეთა სამინისტროს ცნობით, განსაკუთრებით დიდი ოდენობით ნარკოტიკული საშუალებების უკანონო შეძენა-შენახვისა და ნარკოტიკული საშუალების შემცველი მცენარის უკანონო დათესვა-მოყვანის ბრალდებით უცხო ქვეყნის ორი მოქალაქე სხვადასხვა დროს დააკავეს.
შსს-ის ინფორმაციით, დაკავებულები არიან 1994 წელს დაბადებული მ.ე. და 1997 წელს დაბადებული რ.ა. სამართალდამცველებმა ჩატარებული საგამოძიებო მოქმედებების ფარგლებში ბრალდებულების პირადი და საცხოვრებელი ფართების ჩხრეკისას განსაკუთრებით დიდი ოდენობით ნარკოტიკული საშუალებები ამოიღეს.
ნივთმტკიცებად ამოღებულია სხვადასხვა სახის ნარკოტიკული საშუალებები, მათ შორის „კოკაინი“, „MDMA“, „კლეფედრონი“, ასევე ნარკოტიკული საშუალების შემცველი მცენარე – კანაფი და გამომშრალი მარიხუანა. გარდა ამისა, პოლიციამ ამოიღო ნარკოტიკული საშუალებების კულტივირებისთვის საჭირო სპეციალური მასალებიც.
გამოძიება საქართველოს სისხლის სამართლის კოდექსის 260-ე და 265-ე პრიმა მუხლებით მიმდინარეობს, რაც განსაკუთრებით დიდი ოდენობით ნარკოტიკული საშუალებების უკანონო ბრუნვისა და ნარკოტიკული მცენარის უკანონო დათესვა-მოყვანისთვის 20 წლამდე ან უვადო თავისუფლების აღკვეთას ითვალისწინებს.
