ბათუმიდან მიმავალი მატარებელი ადამიანს დაეჯახა

ბათუმიდან თბილისისკენ მიმავალი სამგზავრო მატარებელი დიდუბის მონაკვეთზე ადამიანს დაეჯახა. შემთხვევა დაახლოებით ერთი საათის წინ მოხდა.

თვითმხილველების ინფორმაციით, დაშავებული სასწრაფო სამედიცინო დახმარების ჯგუფმა კლინიკაში გადაიყვანა. ამ ეტაპზე უცნობია მისი ჯანმრთელობის მდგომარეობა.

შემთხვევის შედეგად მატარებლის მოძრაობა რამდენიმე წუთით შეჩერდა, თუმცა, როგორც „საქართველოს რკინიგზის“ ცხელ ხაზზე გვითხრეს, მატარებელმა უკვე სადგურამდე მიაღწია.