ბათუმის მერიამ გასულ თვეში შპს „ბიგ ბენისგან“ კედლის ხის საათი 1 300 ლარად შეიძინა. ხელშეკრულება გაფორმებულია გამარტივებული შესყიდვის ფარგლებში. საათი ანტიკვარულია. მხარეებს შორის მიღება – ჩაბარების აქტი გაფორმებულია 2026 წლის 8 ივლისს.
აღწერილობაში წარმოშობის ქვეყნად გერმანიაა მითითებული, ხოლო დამზადების პერიოდად XIX საუკუნის ბოლო და XX დასაწყისი (1890-1910 წლები).
ანტიკვარული საათი დამზადებულია მაჰაგონის ხისგან, აღჭურვილია ბრინჯაოს ელემენტებით, აქვს ელამირებული ციფერბლატი, არის 110 სმ სიმაღლისა და 40 სმ სიგანის. იმავე აღწერილობის თანახმად, საათი შესრულებულია ნეორენესანსისა და ნეობაროკოს გავლენით.
დაკავშირებული თემები ⇓
ბათუმის მერიამ 114 800 ლარად ახალი მსუბუქი ავტომობილი იყიდა
15 დეპუტატი და 13 ავტომობილი – ტრანსპორტი ბიუჯეტის ხარჯზე
ქობულეთის მერიამ რუსული წარმოების 5 ფორტეპიანო შეიძინა
