შინაგან საქმეთა სამინისტროს ინფორმაციით, დიდი ოდენობით თანხის თაღლითურად დაუფლების ბრალდებით, წარსულში ნასამართლევი პირი დააკავეს.
გამოძიების თანახმად, ბრალდებულმა მოქალაქე მოტყუებით დაარწმუნა, რომ ბათუმში საცხოვრებელი ბინის შეძენასა და სარემონტო სამუშაოების განხორციელებაში დაეხმარებოდა. სანაცვლოდ, მან დაზარალებულისგან ეტაპობრივად მიიღო და მართლსაწინააღმდეგოდ მიითვისა დაახლოებით 171 000 ლარი.
სამართალდამცველებმა ჩატარებული ოპერატიული ღონისძიებების შედეგად, მოსამართლის განჩინების საფუძველზე, ბრალდებული დააკავეს. გამოძიება საქართველოს სისხლის სამართლის კოდექსის 180-ე მუხლით მიმდინარეობს, რაც დიდი ოდენობით თაღლითობისთვის 10 წლამდე თავისუფლების აღკვეთას ითვალისწინებს.
