შინაგან საქმეთა სამინისტროს ინფორმაციით, ბათუმში ინტერპოლის წითელი ცირკულარით ძებნილი თურქეთის რესპუბლიკის მოქალაქე დააკავეს.
უწყების ცნობით, 1984 წელს დაბადებული ს.ე. თურქეთის სამართალდამცავი ორგანოების მოთხოვნის საფუძველზე იძებნებოდა. მას ბრალად ჯანმრთელობის განზრახ მძიმე დაზიანება და მკვლელობა ედება.
აღნიშნული პირი ჩატარებული საგამოძიებო მოქმედებების შედეგად ბათუმში დააკავეს. ამ ეტაპზე, დაკავებულის მიმართ კანონით გათვალისწინებული საექსტრადიციო პროცედურები მიმდინარეობს.
