„აჭარა თაიმსის“ ინფორმაციით, ბათუმში მოქმედი პოლიციელი ყაჩაღობის ბრალდებით დააკავეს. შემთხვევა რამდენიმე დღის წინ, ბათუმში, თაბუკაშვილის ქუჩაზე მდებარე ერთ-ერთ ქსელურ მაღაზიაში მოხდა. წყაროს ცნობით, დაკავებული პირი ტარიელ რიჟვაძეა და ის ბათუმის პოლიციის მესამე განყოფილების თანამშრომელი იყო.
თვითმხილველების თქმით, პოლიციელი მაღაზიაში შევარდა, მოლარე-კონსულტანტს თმებში წვდა და მუქარის გზით თანხა გამოსძალა.
შინაგან საქმეთა სამინისტროში „აჭარა თაიმსს“ განუცხადეს, რომ აღნიშნულ საქმეზე გამოძიებას პროკურატურა აწარმოებს. პროკურატურაში კი ჩვენს კითხვებს არ უპასუხეს.
„აჭარა თაიმსს“ წყაროები უყვებიან, რომ პოლიციელი აზარტულ თამაშებზე იყო დამოკიდებული და წაგებული ფულის გამო გადაწყვიტა მაღაზიის დაყაჩაღება.
