შინაგან საქმეთა სამინისტროს ინფორმაციით, 1991 წელს დაბადებული, წარსულში სხვადასხვა დანაშაულისთვის ნასამართლევი ა.ი. განზრახ მკვლელობის მცდელობის ბრალდებით დააკავეს.
გამოძიების თანახმად, შემთხვევა ბათუმში მოხდა. ურთიერთშელაპარაკების დროს ბრალდებულმა 2003 წელს დაბადებულ ა.დ.-ს ცივი იარაღის გამოყენებით სხეულზე მძიმე დაზიანებები მიაყენა, რის შემდეგაც შემთხვევის ადგილიდან მიიმალა.
დაჭრილი კაცი გადაიყვანეს სამედიცინო დაწესებულებაში, სადაც მას შესაბამისი სამედიცინო დახმარება გაეწია.
ჩატარებული სამძებრო და საგამოძიებო ღონისძიებების შედეგად, მოსამართლის განჩინების საფუძველზე, ა.ი. ბრალდებულის სახით დააკავეს.
საქმეზე გამოძიება საქართველოს სისხლის სამართლის კოდექსის 19-108-ე მუხლით მიმდინარეობს, რაც განზრახ მკვლელობის მცდელობას გულისხმობს და 15 წლამდე ვადით თავისუფლების აღკვეთას ითვალისწინებს.
