„დინამო ბათუმმა“ „კოლხეთი 1913-ს“ 2 – 0 მოიგო და უმნიშვნელოვანესი სამი ქულა მოიპოვა. მატჩი ეროვნული ლიგის მე-18 ტურის, ეგიდის ქვეშ გაიმართა.
შეხვედრა „კოლხეთმა“ პირველი წუთებიდან ნეგატიურად დაიწყო. მატჩის მეექვსე წუთზე აკაკი გიუნაშვილმა წითელი ბარათი აიღო. „კოლხეთი 1913“ დარჩენილი 84 წუთის მანძილზე, 10 კაციანი შემადგენლობით თამაშობდა.
„დინამო ბათუმმა“ მეტოქის კარის აღება, მატჩის 40-ე წუთზე შეძლო, გოლი „თოლიების“ ახალწვეულმა გიტის პაულაუსკასიმ გაიტანა. ლიეტუველმა, „დინამოს“ მაისურში მეოთხე გოლი ( 15 მატჩში) გაიტანა.
თამაშის 48-ე წუთზე, მოჰამედ ფოფანამ, „ბათუმელების“ მეორე გოლი გაიტანა.
18 ტურის შემდეგ, ეროვნული ლიგის, სატურნირო ცხრილში, „დინამო ბათუმი“ 30 ქულით მესამე ადგილ იკავებს და მეოთხე ადგილოსან „დინამო თბილისის“ ერთი ქულით ასწრებს.
საქართველოს ეროვნული ლიგაში, ორ თვიანი პაუზა დაიწყო. მე-19 ტურის მატჩს „დინამო ბათუმი“ ორ აგვისტოს გამართავს. „აჭარაბეთ არენაზე“ „თოლიები“ „დინამო თბილის“ დაუპირისპირდებიან.
ავტორი: დიმიტრი გორგილაძე
