„დინამო ბათუმმა“ ლუქსემბურგის ეროვნული ნაკრების 28 წლის ფეხბურთელი დირკ კარლსონი დაიმატა. კლუბის ინფორმაციით, კარლსონთან ხელშეკრულება 2027 წლის ბოლომდე, 1+1 პრინციპით, გაფორმდა.
„ოფიციალურად, დირკ კარლსონი „დინამოს“ ფეხბურთელია! მხარეებს შორის ხელშეკრულება 2027 წლის ბოლომდე გაფორმდა. ამასთან, კლუბი იტოვებს უფლებას, ის დამატებით ერთი წლით გაახანგრძლივოს“, – წერია „თოლიების“ განცხადებაში.
დირკ კარლსონი „დინამო ბათუმს“ ავსტრიული „SKN St. Pölten“-დან შეუერთდა, სადაც მარცხენა მცველის პოზიციაზე თამაშობდა. 28 წლის ლუქსემბურგელი ავსტრიული კლუბის რიგებში 2023 წლიდან ასპარეზობდა. მათი მაისურით მან ყველა ტურნირზე 98 მატჩი ჩაატარა, სამი გოლი გაიტანა და ხუთი საგოლე გადაცემა შეასრულა.
კარიერის განმავლობაში დირკ კარლსონი ლუქსემბურგის, გერმანიისა და შვეიცარიის კლუბებში თამაშობდა.
ავტორი: დიმიტრი გორგილაძე
