ავტოსაგზაო შემთხვევის შედეგად ორი ადამიანი დაშავდა, მათ შორის ერთი ორსული. შემთხვევა ბათუმში, ბაგრატიონის ქუჩაზე მოხდა.
დაშავებულები კლინიკაში გადაიყვანეს.
თვითმხილველთა თქმით, ერთმანეთს ოთხი ავტომობილი შეეჯახა. ადგილზეა საპატრულო პოლიცია, მომხდარ ფაქტზე დაიწყო გამოძიება.
ინფორმაციისთვის: ბაგრატიონის ქუჩის აღნიშნულ მონაკვეთზე ავარიები ხშირია. ბათუმის მერიამ იქ, სადაც მოძრაობა ინტენსიურია გზის გამყოფ ზოლზე სკვერი მოაწყო.
რამდენიმე ავტოსაგზაო შემთხვევისას ავტომობილი სკვერში შევარდა.
