„აჭარა თაიმსის“ ინფორმაციით, ზაურ ახვლედიანმა აჭარის კულტურის მინისტრის მოადგილის თანამდებობა დატოვა. ფაქტი სამინისტროში დაგვიდასტურეს. უწყების საზოგადოებასთან ურთიერთობის სამსახურში განმარტეს, რომ ახვლედიანმა თანამდებობა პირადი განცხადების საფუძველზე დატოვა.
ცნობისთვის, რამდენიმე დღის წინ „აჭარა თაიმსი“ ზაურ ახვლედიანზე საჯარო ღონისძიების დროს მომხდარი თავდასხმის შესახებ წერდა. ჩვენი ინფორმაციით, აჭარის კულტურული მემკვიდრეობის დაცვის სააგენტოს ყოფილი თანამშრომლის მეუღლე მას, ხელოვნების მუზეუმში, ჯერ სიტყვიერად დაუპირისპირდა, შემდეგ კი ფიზიკურად გაუსწორდა.
მომხდართან დაკავშირებით ზაურ ახვლედიანმა „აჭარა თაიმსს“ მაშინ განუცხადა, რომ ინციდენტის მოტივზე საუბარი არ სურდა.
ფიზიკური ანგარიშსწორების ფაქტზე შინაგან საქმეთა სამინისტროს გამოძიება არ დაუწყია. „აჭარა თაიმსის“ არაერთი სატელეფონო ზარის მიუხედავად, უწყებაში ჩვენს კითხვებს არ უპასუხეს.
აჭარის კულტურის მინისტრის მოადგილეს ჯერ სიტყვიერად, შემდეგ კი ფიზიკურად გაუსწორდნენ
კურსელი მოადგილედ – საკადრო ცვლილებები აჭარის კულტურული მემდვიდრეობის დაცვის სააგენტოში
