შინაგან საქმეთა სამინისტროს ინფორმაციით, ჯგუფურად, დამამძიმებელ გარემოებაში ჩადენილი განზრახ მკვლელობის მცდელობისა და ცეცხლსასროლი იარაღის მართლსაწინააღმდეგოდ შეძენა-შენახვა-ტარების ბრალდებით ძებნილი პირი დააკავეს.
გამოძიების ინფორმაციით, მიმდინარე წლის 22 ივლისს ბრალდებულმა ცეცხლსასროლი იარაღიდან რამდენიმე გასროლით ახალგაზრდა კაცი დაჭრა, რის შემდეგაც შემთხვევის ადგილიდან თანამზრახველთან ერთად მიიმალა.
შსს-ის ცნობით, ჩატარებული ოპერატიული ღონისძიებებისა და საგამოძიებო მოქმედებების შედეგად, დანაშაულში მონაწილე პირების ვინაობა მალევე დაადგინეს. ერთ-ერთი ბრალდებული 29 ივლისს რუსთავში დააკავეს, ხოლო მეორე, 5 აგვისტოს, სამცხე-ჯავახეთის რეგიონში.
გამოძიება საქართველოს სისხლის სამართლის კოდექსის 19-109-ე და 236-ე მუხლებით მიმდინარეობს, რაც სასჯელის სახედ 20 წლამდე ან უვადო თავისუფლების აღკვეთას ითვალისწინებს.
ბათუმში ახალგაზრდა კაცს ათამდე ტყვია ესროლეს
