დაბა მახუნცეთში, გასართობი ატრაქცია მაღალი ძაბვის გადამცემი ხაზების თავზეა მოწყობილი. AJARATIMES.GE-ის კომპანია “ენერგო პრო ჯორჯიაში” განუცხადეს, რომ ზიპლაინის მმართველ კომპანიას უსაფრთხოებასთან დაკავშირებული შესაბამისი ნებართვა არ გააჩნია.
“შპს ,,ჯეტ გრუპს” ენერგო კომპანიის მიერ განსაზღვრული ჰქონდა კანონით გათვალისწინებული გარკვეული უსაფრთხოების ღონისძიებების გატარება, რაც არ არის განხორციელებული,” – აცხადებენ “ენერგო პრო ჯორჯიაში”.
ქედის მერიამ კომპანიას წერილობით მიმართა და სადენების ადგილმონაცვლეობა მოითხოვა. დათქმული ვადის მიუხედავად კომპანიას მერიის მოთხოვნა დღემდე არ შეუსრულებია.
“მახუნცეთის ზიპლაინი ამ ეტაპისთვის არ ფუნქციონირებს. უსაფრთხოებასთან დაკავშირებით, ყველა უწყებასთან გაგზავნილია წერილი და მიმდინარეობს უსაფრთხოების უზრუნველყოფის მიზნით სამუშაო პროცედურები,” – გვითხრეს ქედის მერიაში.
