რატომ არის საქართველოში საწვავი ძვირი – კითხვით ოპოზიცია ხელისუფლებას მიმართავს

რატომ არის საქართველოში საწვავი ძვირი – კითხვით ოპოზიცია ხელისუფლებას მიმართავს. “ნაციონალური მოძრაობა” მმართველ პარტიას დაპირებას ახსენებს და საკ-თხზე განმარტებებს ითხოვს.

“რატომ არ ანაღვლებს ,,ქართულ ოცნებას“ საწვავზე გაძვირებული ფასები და რა გვიჯდება ყოველწლიურად მაღაჩინოსნების საწვავით უზრუველყოფა. ივანიშვილის მთავრობის მაღალჩინოსნები ჩვეული ირონიით და ცინიზმით პასუხობს ჩვენი მოსახლეობის მიერ დასმულ მთავარ კითხვას. ეს კითხვები ირაკლი კობახიძეს, თორნიკე რიჟვაძეს, არჩილ ჩიქოვანს, აჭარის ა.რ სამინისტროებში მოკალათებულ მაღალჩინოსნებს არ იანტერესებთ, რადგან მათ ემსახურება სახელმწიფო ავტომობილები და შესაბამისად საწვავიც უფასოდ მიეწოდებათ. ჩინოვნიკებმა არც კი იციან რა უჯდება უბრალო მოქალაქეს 1 ლიტრი საწვავი ბენზინგასამართ სადგურზე, რომ გაორმაგებულ თანხას იხდიან მიუხედავად ივანიშვილის დაპირებისა,” – განაცხადეს ენმ-ის წევრებმა ბრიფინგზე.

რეზო ხარაზმა და ბონდო თედორაძემ ბრიფინგზე ასევე, განაცხადეს, რომ პარტიამ სამთავრობო უწყებების მიერ გახარჯული საწვავის შესახებ ინფორმაცია მოიპოვა, რომელსაც საზოგადოებას წარუდგენენ.

“მხოლოდ 2023 წლის მონაცემებით ჩინოვნიკებზე გახარჯული საწვავის რაოდენობა ასე გამოიყურება:

აჭარის ავტონომიური რესპუბლიკის მთავრობის აპარატი:

• ბენზინი – 55 128,20 ლარის ღირებულების, 21 014,59 ლიტრი;
• დიზელი – 5 051,57 ლარის ღირებულების, 2 039,56 ლიტრი;

ბათუმის მერია და საკრებულო:

• ბენზინი – 80 685,72 ლარის ღირებულების, 24 770,84 ლიტრი;
• ბენზინი – 72 689,80 ლარის ღირებულების, 27 677,68 ლიტრი;
• დიზელი – 28 106,84 ლარის ღირებულების,  9 924,02 ლიტრი;

აჭარის ა.რ. ფინანსთა და ეკონომიკის სამინისტრო:

• ბენზინი – 37 122,41 ლარის ღირებულების, 12 352,62 ლიტრი;
• დიზელი – 60 523,83 ლარის ღირებულების 27 407,63 ლიტრი;

აჭარის ავტონომიური რესპუბლიკის განათლების, კულტურისა და სპორტის
სამინისტრო:

• ბენზინი – 33 761,75 ლარის ღირებულების, 11 812,09 ლიტრი;
• დიზელი – 12 303,90 ლარის ღირებულების, 4 338,10 ლიტრი;

აჭარის ა.რ. ჯანმრთელობისა და სოციალური დაცვის სამინისტრო:

• ბენზინი – 41 363,15 ლარის ღირებულების, 15 874,80 ლიტრი;

აჭარის ავტონომიური რესპუბლიკის სოფლის მეურნეობის სამინისტრო:

• ბენზინი – 58 274,37 ლარის ღირებულების, 26 796,91 ლიტრი;
• ბენზინი – 4 017,59 ლარის ღირებულების, 1 599,78 ლიტრი;
• დიზელი – 10 418,76 ლარის ღირებულების, 3 743,49 ლიტრი;

ქობულეთის მუნიციპალიტეტი:

• ბენზინი – 212 066,06 ლარის ღირებულების, 80 492,87 ლიტრი;
• დიზელი – 34 114,99 ლარის ღირებულების, 12 175,51 ლიტრი;

2023 წელს, ჯამში, შვიდი სამთავრობო უწყების მაღალჩინოსნების საწვავის ხარჯმა შეადგინა – 282 020,49 ლიტრი,” – წერია ენმ-ის მიერ გავრცელებულ ინფორმაციაში. მონაცემები პარტიის მიერ გამოთხოვილ საჯარო ინფორმაციას ეყრდნობა.